AR
مساء الخير علي كل متابعينا في الوطن العربي 💗
قررنا علي بداية سنة 2024 اننا نقدم بعض الخدمات الجديدة واننا نحاول علي قد ما نقدر اننا نطور من نفسنا ومن شغلنا أكتر وأكتر
وكان قدامنا حاجة من 2 , الاولي وهي اننا فاتحين باب التبرع لشغلنا من الصيف الي فات ولكن ولا جنية واحد وصلنا فبالتالي كان الاختيار واقع علي الحاجة التانية وهي الجروب البريميوم ... طب ايه مميزاته ؟
قبل أي حاجة حابب انوه ان مهما حصل ف الباتشات بتاعتنا مجانية وهتفضل مجانية باذن الله وتقدر تحملها زيك زي اي حد متابع لينا مفيش تميز بين حد وحد ولكن الجروب البريميوم هيكون ليه بعض الحاجات الاضافيه الي هتكون متقدمه بعنصر بشري شخصي الي هو انا , طب مش فاهمين يعم مهند ؟
بص ي معلم انت بتدفع 100 جنية في سنة كاملة بتخليك تاخد كل باتشاتنا علي مدار السنه بالتحديثات بلينكات مباشرة من غير اختصار روابط او اعلانات وده معناه ان بيكون ليك لينكات خاصه غير لينكات الباتش العادية مرفوعة علي جوجل درايف او ميديا فاير لسهولة التحميل وكمان بنكون مقسمين الباتش علي روابط بأحجام متعددة عشان تحمل زي ما تحب
والموضوع ده هيغنيك عن انك تحمل من الموقع بتاعنا او لو معندكش خبره وصبر في تخطي الروابط وتجنب تحميل اي ملفات غلط برضه وبيها هتحمي جهازك ونفسك من اي حاجه تحصل بسبب عدم خبرتك في التعامل مع اللينكات
وطبعا الموضوع ده مينفعش كنت اقدمه مجانا لان ده تعب فريق كامل صعب طبعا اني اطلعه مجانا كده لان العائد الوحيد لتعبنا بيكون هو التحميل وتخطي الروابط
ده غير اني لما ارفعلك لينكات خاصه بأحجام مختلفة ده هيكلفني نت ووقت ومجهود
ف انا مش بجبرك علي حاجة وما رضيتش اني اقدم في الجروب البريميوم خاصية اني ابعتلك لينكات الباتش قبله باسبوع او اسبوعين لان زي ما قولتلك انا مش هبتزك ولا هجبرك علي حاجة انا بس بديلك حرية اختيار في التحميل وانت حر تختار الطريقة الي تعجبك
والموضوع ده بينتهي صلاحيته في نهاية عام 2024 حتي لو كنت هتشترك في شهر 12 من 2024 ف انا همشي بالسنة الميلادية
طيب الجروب بيكون تلجرام والدخول فيه بيبقي بعد الدفع بنبعتلك اللينك بتعمل طلب دخول وتبعتلنا رقمك او اسمك عشان نوافق علي الدخول عشان تجنب ارسال اللينك لاي حد ويدخل ببلاش وكده
اخر حاجه طرق الدفع ايه ؟
هتدفع من فودافون كاش علي رقم 01032185950 وهتاخد سكرين شوت وتبعتها علي الايميل ده